સૌપ્રથમ 250 ગ્રામ ડુંગળી લઈને એને સાફ કરીને બારીક સમારી લો. હવે એક કડાઈ લો. તેમાં તેલ ગરમ કરવા માટે મૂકો. તેલ એકદમ ગરમ થઈ જાય એટલે તેમાં હિંગ નાખીને વઘાર કરો.

ગરમ તેલમાં હિંગનો વઘાર થઈ જાય એટલે કે હિંગ પાકી જાય પછી તેમાં લીલી સમારેલી ડુંગળી એડ કરો.ડુંગળી ઉમેરીને તેને તેલ સાથે બરાબર મિક્સ કરી લો. બધું બરાબર મિક્સ કરી લીધા પછી 2 થી 3 મિનિટ માટે ઢાકણ ઢાંકી દો.ડુંગળી 2 થી 3 મિનિટ સુધી તેલમાં શેકાઈ ત્યાં સુધી એક નંગ ટામેટું આ પ્રમાણે જીણા જીણા કટકા કરી લો. હવે ડુંગળી થોડીક ગળી ગઈ છે ત્યારે તેમાં ટામેટાં એડ કરો.

ટામેટા ઉમેરી દીધા પછી હવે તેમાં બધા મસાલા કરી લો. જરૂર મુજબ મીઠું,2 ચમચી ધાણાજીરૂ, 2 ચમચી લાલ મરચું, 1/2 ચમચી હળદર ઉમેરીને બધું બરાબર મિક્સ કરી લો ઢાંકણ ઢાંકી ને બધું ચઢવા દો.

બધા જ મસાલા કરી લીધા પછી 5થી 7 મિનિટ મિનિટ સુધી ઢાંકીને ચઢવા દો.ત્યારબાદ તેને ખોલી ને હલાવી લો અને જરૂર લાગે તો અડધો કપ જેટલું પાણી ઉમેરીને 5 મિનિટ માટે પાછું ચડવા દો.હવે ખોલીને જોઈ લો વધારાના પાણીનો ભાગ બધો જ બળી ગયો હશે અને ડુંગળી બધી એકદમ ચડી ગઈ હશે. હવે ગેસ બંધ કરી દો.તૈયાર છે લીલી ડુંગળીનું શાક.હવે તેને સર્વિંગ પ્લેટમાં લઈને એક બાઉલમાં સર્વ કરો.