முதலில் கடாயில் சிறிதளவு எண்ணெய் சேர்த்து மிளகாய் மற்றும் கொத்தமல்லி விதையை வறுத்து தனியே எடுத்து வைக்கவும்.பின் அதே கடாயில் மேலும் சிறிது எண்ணெய் சேர்த்து சுத்தம் செய்து வைத்துள்ள புளிச்ச கீரையை சேர்த்து நன்றாக வதக்கவும்.

வறுத்து வைத்துள்ள மிளகாய் மற்றும் அல்லி விதையுடன் சிறிதளவு புளி சேர்த்து கொரகொரப்பாக அரைத்துக் கொள்ளவும். அதனுடன் வதக்கிய புளிச்ச கீரை சேர்த்து கொரகொரப்பாக அரைக்கவும். கடாயில் எண்ணெய் சேர்த்து எண்ணெய் காய்ந்ததும் கடுகு பெருங்காயத் தூள் சேர்த்து தாளித்து கொள்ளவும்.

அதன்பின் நசுக்கிய பூண்டு மற்றும் சின்ன வெங்காயம் சேர்த்து நன்றாக வதக்கவும்.வெங்காயம் வதங்கியவுடன் அரைத்து வைத்துள்ள புளிச்சக் கீரை விழுதை சேர்த்து தேவையான அளவு உப்பு சேர்த்து நன்றாக சுருள வதக்கவும். நன்றாக வதங்கி எண்ணெய் பிரிந்து வரும் நிலையில் இறக்கவும்.