Da farko za a dora ruwa akan wuta a barshi yayi tafasa biyu, sai a kawo garin semovita a tuka har zuwa yayi kaurin da ake so, sannan a yayyafa masa ruwa a saman shi a maida shi kan wuta ya turara, in ya turara sai a sauke a kara tukawa a kwashe a leda ko flask.

Za a markada kayan miya a zuba a tukunya tareda sanya mai a ciki, sai a kawo nikakkiya gyada a zuba a ciki, a zuba maggi tareda ruwa cikin kofi 2 da rabi, sai a juya tareda rufeshi.

In yayi minti 5 sai a kawo stock fish tareda baked fish a zuba a ciki, a sa spices a juya.

Bayan minti 5 sai a kawo nama soyayye ko silalle a zuba a ciki tareda garlic powder, a rufe su yi ta dahuwa har zuwa ruwan ya kafe gyadar ta dahu, (in ruwan y kafe gyadar bata dahu ba a iya kara ruwan zafi)

In ya zamana babu ruwa a ciki sosai sai a kawo ganyen ugu a zuba, bayan minti 2 a kawo alayyahu a zuba tareda yankakkiyar albasa, a rufe domin ruwan alayyahun ya kafe, an juya an ga ba ruwa a ciki sai a sauke.

#Note: kar a sakarwa miyar wuta d yawa sbd gyadar za ta ringa kamawa, sannan miyar bata bukatar mai da yawa sbd man da ke jikin gyadara.