સૌપ્રથમ મેંદાનો લોટ તથા રવો મિક્સ કરી લો. ત્યારબાદ એક પેનમાં એક વાટકી દૂધ ગરમ કરવા મુકો. થોડું દૂધ ગરમ થઈ જાય એટલે તેમાં એક વાટકી ખાંડ ઉમેરી ખાંડ ઓગળે ત્યાં સુધી હલાવતા રહો. ત્યારબાદ લોટમાં એક ચમચા જેટલું તેલનું મોણ તથા ઉપર તૈયાર કરેલા ખાંડ દૂધના મિશ્રણની મદદથી લોટ બાંધો. જરૂર જણાય તો પાણી ઉમેરી લોટ તૈયાર કરવો.

ત્યારબાદ તેના મોટા લુવા વાળવા. પાટલા જેટલી મોટી સાઇઝની રોટલી વણી તેને કટરની મદદથી ઉભી તથા આડી કાપવા.

એક પેનમાં તેલ ગરમ કરવા મુકો.તેલ ગરમ થઈ જાય એટલે તેમાં આછા ગુલાબી થાય ત્યાં સુધી ધીમા ગેસ પર સકરપારા તળવા.