Zaki tanadi Ayaba, gwanda, kankana, ki wanke ki yanka sai ki zuba a blender, ki kara ruwa, suga/zuma, sai yoghurt da madarar ruwa ki yi blending har sai sunyi kumfa. Zaki sha da yamma har taswon kwana 3,zakiyi mamakin canjin da zaki samu.

Wanan hadin shima zaki samu ayaba, gwanda, kankana ki yanka ki zuba a blender ki kara ruwa, zuma, madarar ruwa da garin ridi(sesame) zaki hadasu ki markada, wanan hadin na amarya da uwar gida ne, yana kara lafiya, kawar da qarni da sirri na musamman.Amarya zata kwana 5 tana yi,uwar gida kuma zata iya sha har tsawon kwanakin da ta ga canji amma da yamma zata dinga sha.

Wanan hadin yana karin kuzari, lafiya da matsalar bushewa. Zaki hada tuffa, ayaba, kankana da madarar ruwa, garin ridi(sesame) da zuma, ki markada da ruwa ki sha, yana da kyau sosai.

Hadin kankana da madara, ana cewa kankana uwar-ruwa saboda ita tana da sirrinta na musamman wajan kara lafiya ga mata masu matsalar bushewa, balle kuma ki kara da madarar ruwa da kanumfari, sai sugar ko zuma. Zaki hadesu a blender ki markada a ringa sha akai akai.

Haddin tuffa, zaki wanke tuffa ki yanka ki cire kwallon, ki zuba a blender, ki saka madara, sugar/zuma da ruwa ki markada. Shima yana kara lafiya ingattaciyya.

Hadin ayaba, zaki bare ayabarki ki yanka ki zuba a blender, ki kara ruwa da madarar ruwa akai, sai zuma da kanumfari, ki markada.Shima dan karin lafiya da kuzari da kawar da matsalar bushewa.

Hadin kwakwa da dankalin hausa, shima har mai gida zai iya sha, dan dankalin hausa na da sirri a garesu(maza) zaki fasa kwakwar ki yanka qanana(yanda blender zata iya markadawa) ki hada da dankalin hausa(kadan) ki zuba ruwa ki markada, ki tace, kai tsaye zaki iya kara zuma/sugar da madarar ruwa ku sha, sanan zaki iya dorawa a wuta a dafa tsawon minti 7(bayan an markada an tace sai a dora a wutar). Amfanin dafawar wasu dankalin hausa danye na saka su kumburin ciki.

Hadin yoghurt ko nono kindirmo da 'ya'yan itatuwa(yogo-fruits) zaki samu 'ya'yan itatuwa kamar Ayaba, tuffa, inibi, kwakwa, gwanda zaki yanka kanana ki zuba cikin yoghurt ko nono mai kyau mara tsami, zaki saka a fridge idan yai sanyi ki ringa sha, musamma da yamma shima za'a samu canji a jiki sosai.

Dukkan 'ya'yan itatuwa(fruits) kowanne a ciki yana dauke da sinadari da sirrin da zai gyara 'ya mace, dan haka shansu haka shima da amfaninsa a jiki, ko dan kariya daga cututtuka da karin lafiya, kuzari, matsalar rashin ruwa da bushewa ga mata.Duk gidan da suka dimanci cin 'ya'yan itatuwa to zasu samu isarshiyar lafiyar jikinsu.