સૌ પ્રથમ જામફળ ના શાક માટેની બધી તૈયારી કરી લેવી. જામફળને ધોઈને થોડાક બીયા કાઢી અને નાના કટકા કરવા.

ત્યારબાદ બધો મસાલો તૈયાર કરવો. તપેલીમાં એક ચમચો તેલ મૂકી.અને રાઈ નો વઘાર કરવો. રાઈ ફૂટે એટલે તરત જ ચપટી હિંગ નાખી દેવી.

ત્યારબાદ તરત જ સુધારેલા કટકા એડ કરી દેવા. અને એક ચમચો પાણી નાખવું. અને સ્વાદ મુજબ મીઠું નાખવું.

પછી લાલ મરચું ૨ ચમચી અને હળદર અડધી ચમચી નાખવી.

ત્યારબાદ બે ચમચી ધાણાજીરું અને સ્વાદ મુજબ ગળપણ એટલે કે ગોળ નાખવો. જામફળ સહેજ ખટાસ ઉપર હોવાથી બે કટકા કોલ્હાપુરી ગોળ નાંખવા.

ત્યારબાદ તેને હલાવીને 10 / 15 મિનિટ ચઢવા દેવુ. જામફળ સોફ્ટ હોવાથી તપેલીમાં જ ફટાફટ ચડી જાય છે.અને હવે આપણું ટેસ્ટી ખટ મીઠુ જામફળનું શાક તૈયાર.