સૌ પ્રથમ 2 વાડકી ચોખા 3 થઈ 4 કલાક પલાળી રાખવા.પછી કૂકરમાં છુટા નાંખી ચોખા જેટલું જ પાણી નાંખી તેમાં સહેજ મીઠું એક ચમચી ઘી નાંખી હલાવીને કુકરનું ઢાંકણ બંધ કરી દેવું. એક જ સીટી વગાડી કુકર ખોલી નાખવું એટલે ભાત ગળી ના જાય.

બધા શાકભાજી સમારીને તૈયાર કરવા. મકાઈ અને વટાણા બાફી લેવા. બીજા શાક કાચા જ રાખવા.

ત્યાર બાદ કડાઈમાં તેલ મૂકી બધા શાક વધારવા. સહેજ ચડવા દેવા. પછી પાલક બાફી ને પીસીને પેસ્ટ બનાવી લેવી. કોથીમીર ને પણ પીસીને પેસ્ટ બનાવી લેવી. પછી તેને વધારેલા શાકમાં નાંખવી.

ત્યાર બાદ બધું બરાબર હલાવી તેમાં પાવભાજી મસાલો, ગરમ મસાલો, મીઠું નાખવું. ત્યાર બાદ બાફેલા ભાત નાખવા. બધું સરસ મિક્સ કરી 5 મિનિટ ધીમા ગેસે ચડવા દેવું. પછી મનગમતું ગાર્નિસિંગ કરી ને સર્વ કરવું.