चला तर मग मैत्रिणींनो बनवूया हॉटेल स्टाईल मेथी मलई मटर. मी रेसिपी माझ्याकडे घरात जे घटक होते त्याकडे पासूनच बनवली आहे. सर्वप्रथम मेथीची भाजी स्वच्छ साफ करून पाण्यामधून त्याची पानं स्वच्छ धुवून घ्यावी. कढईमध्ये एक चमचा तेल टाकून मेथी बारीक चिरून त्यामध्ये एक तीन ते चार मिनिटं परतून घ्यावी. वटाणे गरम पाण्यामध्ये उकळून घ्यावी

कढई मध्ये अजून दोन टेबलस्पून तेल टाकून बारीक चिरलेला कांदा थोडा लालसर होईस्तोवर परतून घ्यावा नंतर त्यामध्ये पांढरे तीळ, टरबुजाच्या बिया, ठेचलेला लसूण, हिरव्या मिरच्या हे सर्व घटक टाकून दोन ते तीन मिनिटे चांगले परतून घ्यावे. हे मिश्रण मिक्सरच्या भांड्यात काढून घ्यावे त्यामध्ये आता चाट मसाला, कसुरी मेथी, कॉर्न फ्लोअर, साखर, व दुधाची पावडर सर्व जिन्नस अर्धा कप पाणी टाकून वाटून घ्यावे. खूप बारीक नाही आणि खुप जाडसर नाही रवाळ पेस्ट करावी.

आता कढईमध्ये एक टेबल स्पून घी टाकावे व त्यामध्ये दालचिनी लवंग मिरी मोठी वेलची छोटी वेलची चक्रीफुल तमालपत्र हे सर्व फोडणीस द्यावे त्यावरती वाफवलेले वटाणे आणि परतलेली मेथी टाकून त्यामध्ये चांगले मिक्स करावे. मग त्यामध्ये आपण वाटलेली पेस्ट टाकावी तुम्हाला ग्रेव्ही जितकी हवी असेल त्यानुसार त्यामध्ये पाणी टाकून घ्यावे आणि चांगले मिक्स करावे, मग त्यामध्ये एक टी स्पून गरम मसाला ॲड करावा. झाकण ठेवून एक दोन मिनिटं बस द्यावी. ग्रेव्ही ला वरती घी सुटलेले दिसले की ही भाजी झाली असे समजावे.

मीठ आणि साखरेचे प्रमाण चाखून पहावे. झाली तुमची मस्त मलई मेथी तयार. सर्व्ह करताना तुम्ही वरून क्रीम सुद्धा टाकू शकता.