બટાટા ધોઈને બાફી લો. કુકર ઠંડુ થાય ત્યાં સુધીમાં 1 વાસણમાં ખમણ, સિંગ દાણા નો ભૂકો, દળેલી ખાંડ, લીંબુ નો રસ, મરચા પાવડર,ગરમ મસાલો, સ્વાદ મુજબ નમક, ધાણા ભાજી મિક્સ કરો. હવે તેને ખૂબ મસળો. જેથી બી ના ભૂકા અને ખમણ માંથી તેલ નીકળે તો ગોળી વાળવામાં સરળતા રહે. બધી ગોળી વળાય જાય એટલે તેને બાજુ પર મુકી દો. હવે કુકર ખોલી બટાટા કાઢી તેની છાલ ઉતારી છૂંદો કરો. તેમાં તપખીર ઉમેરી લોટ બાંધો. હવે બટાટા ના માવા ની હાથે થી થેપીને થેપલી બનાવો તેમાં વચ્ચે એક ખમણ વાળી ગોળી મૂકો.અને બંધ કરો. હાથ ની મદદ થી ગોળો બનાવો.

ગોળા ને તપખીર માં રગદોળો.તપખીર જરાક જ લગાડો. હવે લોયા માં તેલ ગરમ કરો અને તેને તેલ માં ડીપ ફ્રાય કરો. તેનો કલર બદલી જશે અને તળાઈ જાય એટલે ઉપર આવી જશે. ઝારા ની મદદ થી તેને બહાર કાઢી પ્લેટ માં મૂકો. ખજૂર આમલીની ચટણી અને લીલી ચટણી સાથે સર્વ કરો.