સૌ પ્રથમ પ્રેશર કૂકરમાં તેલ ગરમ કરો, તેમાં સૂકા લાલ મરચાં, જીરું, હીંગ, મીઠાં લીમડાનાં પાન ઉમેરો. વઘાર તતડે પછી તેમાં આદુ મરચાંની પેસ્ટ ઉમેરો અને હળદર પાવડર ઉમેરો. તેને સરખી રીતે મિક્સ કરો.

તેમાં થોડું લાલ મરચું ઉમેરો. તેમાં 1 કપ પાણી ઉમેરો. છૂટા મગ બનાવો ત્યારે પાણી વધુ ઉમેરવું નહીં. ત્યારબાદ તેમાં પલાળેલા મગ ઉમેરો. તેમાં લાલ મરચું પાવડર ઉમેરો.

સ્વાદ પ્રમાણે મીઠું ઉમેરો. લીંબુનો રસ ઉમેરો. તેને સરખી રીતે મિક્સ કરો. તેને ખુલ્લા ઢાંકણે 3 મિનિટ કુક કરો. ત્યારબાદ 2 વિસલ થાય ત્યાં સુધી ઢાંકણ બંધ કરી પ્રેશર કુક કરો.

ત્યારબાદ ગેસ બંધ કરી, કૂકરનું પ્રેશર ઓછું થાય પછી ઢાંકણ ખોલવું. મસાલેદાર છૂટા મગ તૈયાર છે. તેને ભાખરી/રોટલી, કઢી-ભાત સાથે સર્વ કરો.
તો તૈયાર છે એકદમ ટેસ્ટી મસાલેદાર છૂટા મગ.