ત્યારબાદ એક પ્લેટમાં બટાકાનો માવો લઈ તેમાં તપકીર અને સ્વાદ અનુસાર મીઠું નાખી મિક્સ કરી લો.

ત્યારબાદ સ્ટફિંગ માટે એક પ્લેટમાં નાળિયેરનું છીણ નું ખમણ, સિંગદાણાનો ભૂકો, છીણેલું આદુ,લીલું મરચું,લાલ મરચું પાવડર, ગરમ મસાલો,મીઠું, કોથમરી,કાજુના કટકા, કિસમિસ નાખી બધું જ મિક્સ કરી લો. અને તેમાંથી નાના નાના ગોળા વાળી લો.

ત્યારબાદ પેટીસ બનાવવા માટે બટાકાના માવામાંથી એક નાનો લુઓ લઇ તેને હાથ વડે થાપીને તેની વચ્ચે સ્ટફિંગ ભરી તેને વાળી અને પેટીસ બનાવી લો.

આ રીતે બધી જ પેટીસ તૈયાર કરો. ત્યારબાદ તેને તેલ ગરમ મૂકી ગોલ્ડન થાય ત્યાં સુધી તળી લો.

તો તૈયાર છે ગરમા ગરમ ફરાળી પેટીસ. તેને ખજૂર આમલીની ચટણી, ગ્રીન ચટણી,તળેલા મસાલાવાળા સીંગદાણા અને તળેલા મરચા સાથે સર્વ કરો.