ஒரு கடாயில் சிறிது எண்ணெய் ஊற்றி கொத்தமல்லி சீரகம் மிளகு வரமிளகாய் சேர்த்து நன்கு வறுத்துக் கொள்ளவும். மிக்ஸி ஜாரில் சேர்த்து பொடித்து வைத்துக் கொள்ளவும்.

அதே கடாயில் சிறிய வெங்காயம் பூண்டு தக்காளி சேர்த்து நன்கு வதக்கிக் கொள்ளவும். அதில் தேங்காய் சேர்க்கவும். அரைத்து வைத்துள்ள மசாலா பொருட்களில் வெங்காயம் தக்காளி கலவையை சேர்த்து நன்கு பேஸ்ட் போல் அரைத்துக் கொள்ளவும்.

ஒரு வாணலியில் எண்ணெய் ஊற்றி கடுகு சேர்த்து தாளிக்கவும். பிறகு ஒரு பெரிய வெங்காயம் சேர்த்து வதக்கவும். அரைத்து வைத்துள்ள பேஸ்ட்டை சேர்த்து தேவையான அளவு தண்ணீர் ஊற்றி நன்கு கொதிக்கவிடவும். உப்பு மஞ்சள்தூள் சேர்க்கவும்.

முட்டையை நன்கு வேக வைத்து கீறி வைத்துக் கொள்ளவும்.குழம்பு நன்கு கொதித்த பிறகு முட்டைகளை சேர்த்து 10 நிமிடம் வேக வைத்து கொள்ளவும். சுவையான முட்டை குழம்பு தயார்.