முதலில் தேவையான பொருட்கள் அனைத்தையும் தயாராக எடுத்து வைக்கவும். கருப்பு சுண்டலை 10-12 மணி நேரம் ஊற வைக்கவும். ஒரு குக்கரில் ஊற வைத்த சுண்டல்,1/2 டீஸ்பூன் உப்பு மற்றும் தேவையான அளவு தண்ணீர் சேர்த்து 7-8 விசில் விட்டு இறக்கவும். ஒரு கடாயில் வர கொத்தமல்லி சீரகம் மிளகு சோம்பு பட்டை வகைகள் சேர்த்து நன்றாக எண்ணெய் விடாமல் வறுக்கவும்.

ஒரு கடாயில் 1 டீஸ்பூன் எண்ணெய் விட்டு காய்ந்ததும் அதில் இஞ்சி பூண்டு சின்ன வெங்காயம் வரமிளகாய் கறிவேப்பிலை தக்காளி தேங்காய் ஆகியவற்றை ஒன்றன் பின் ஒன்றாக சேர்த்து நன்றாக வதக்கவும். வறுத்த கலவையை மிக்ஸியில் போட்டு நன்றாக அரைத்து கொள்ளவும். இப்போது குழம்பு செய்ய மசாலா ரெடி.

ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் கடுகு சேர்த்து பொரிந்ததும் அதில் சின்ன வெங்காயம் சிறிது, கறிவேப்பிலை சேர்த்து நன்றாக வதக்கவும். இப்போது அரைத்த விழுதை சேர்த்து நன்றாக வதக்கவும். தேவையான அளவு தண்ணீர் உப்பு சேர்த்து நன்றாக கலந்து கொள்ளவும். எண்ணெய் பிரிந்து வந்ததும் அதில் வேக வைத்துள்ள சுண்டல் சேர்த்து நன்றாக கலந்து கொள்ளவும்.. நன்கு குழம்பு பதத்தில் வந்ததும் சிறிது கொத்தமல்லி இலை தூவி இறக்கவும். இப்போது சூடான சுவையான ஆரோக்கியமான சுண்டல் குழம்பு ரெடி.