સૌપ્રથમ ૧ કપ અડદની દાળને પાંચ-છ કલાક માટે ગરમ પાણીમાં પલાળવી દાળ બનાવતા પહેલા તેને સારી રીતે પાણીથી ધોઈ લેવી. જનરલી તમે દહીં વડા બનાવવા માટે આ એક જ દાળ લો છો. પણ આ દહીં વડાને સુપર બેસ્ટ બનાવવા માટે આપણે મગની મોગર દાળ ઉમેરી શું.પણ તમે જો આ મગની મોગર દાળ ઉમેરી ને ક્યારેય ન બનાવ્યા હોય તો એક વાર આ રીતે જરૂર ટ્રાય કરજો.

દાળને પાંચ કલાક માટે પલાળી હતી હવે આપણે આ દાળને પીસવાની છે.બન્ને દાળને આપણે અલગ અલગ કરવાની છે તો પહેલા આપણે બધું પાણી કાઢી લઇશું. ત્યારબાદ દાળની પેસ્ટ તૈયાર કરવાની છે. દહીં વડાને એકદમ સફેદ બનાવવા માટે પીસતી વખતે ઠંડું પાણી ઉમેરવું. મોગર દાળને પણ આપણે પેસ્ટ તૈયાર કરવાની છે!

ત્યારબાદ આપણે આ બેટરમાં સ્વાદ અનુસાર મીઠું અને ૧ ચમચી લીલા મરચાં અને આદુની પેસ્ટ કિસમિસ અને કાજુના ટુકડા ઉમેરી શું. એક જ દિશામાં બરાબર ફેંટી લઈશું. વડા ને તરતા પહેલાં એક બોલમાં ત્રણથી ચાર કપ પાણીમાં થોડું મીઠું અને હિંગ નાખીને સાઈડ માં મૂકી દેવું.

વડાને મધ્યમ તાપે તળવા વડાને તેલમાં નાખ્યા બાદ એક ચમચાથી ગરમ તેલ તેની ઉપર નાખવાથી વડા સરસ ફૂલે છે. ત્યારબાદ વડાને દસથી પંદર મિનીટ માટે પાણી માં પલાળી રાખવા. ત્યાર બાદ હળવા હાથથી દબાવીને તેનું પાણી નિતારી લેવું.

દહીં વડા ને ગાર્નીશિંગ કરવા માટે લાલ મરચું,સંચળ જીરુ પાઉડર, કોથમીર અને જો તમારી પાસે ઘરમાં ખજૂર આમલીની ચટણી હોય તો તમે નાખી શકો છો!