प्रथम सारण बनवण्यासाठी एका भांड्यामध्ये तुप घालून त्यामध्ये किसलेला नारळ घाला व ते चांगले परतून घ्यावे. मग नारळ परतून झाल्यावर त्यामध्ये गूळ घालावा व विरघळून होईपर्यंत चांगले परतावे. मग त्यामध्ये खसखस, वेलची व जायफळ पूड घालावी व हे मिश्रण चांगले एकजीव करून घ्यावे.

मग एका पातेल्यामध्ये पाणी, दूध व तूप घेऊन ते उकळून घ्यावे याला चांगली उकळी आली की त्यामध्ये तांदळाचे पीठ घालावे व चांगले घोटून घ्यावे. मग ते पीठ एका ताटामध्ये घेऊन त्यामध्ये थोडे पाणी घालून ते एकजीव करून घ्यावे व त्याचे छोटे छोटे गोळे करावेत.

मग त्या छोट्या पिठाच्या गोळ्यांची पुरीसारखी पारी लाटून त्याला बाजूने कळ्या पाडून घ्याव्यात व त्यामध्ये तयार मिश्रण घालावे. मग ते मोदक बंद करून त्यावर सजावटी साठी तयार केलेले केसर लावावे. मग आपले मोदक एका भांड्यात वीस मिनिटे उकडण्यासाठी ठेवावेत. अशाप्रकारे आपले मोदक तयार झाले.