प्रथम वाटण करून घेण्यासाठी सुके खोबरे व कांदा हे दोन्ही भाजून घ्यावेत व काजू थोडावेळ कोमट पाण्यात भिजवून घ्यावेत. मग वाटण करताना कांदा, खोबरे, हिरवी मिरची, कोथिंबीर व काजू एकत्र करून वाटून घ्यावेत. मग त्यामध्ये तीन ते चार टेबलस्पून तेल टाकावे व ते गरम करून घ्यावे, मग त्यामध्ये कांदा घालावा व तो चांगला परतून घ्यावा नंतर त्यामध्ये टोमॅटो घालून चांगला परतून घ्यावा.

कांदा व टोमॅटो चांगले शिजल्यावर त्यामध्ये आले लसूण बारीक चिरलेले घालावे. हे चांगले शिजवुन झाल्यावर त्यामध्ये कसूरी मेथी, हळद व लाल मिरची पावडर घालावी व चांगली एकजीव करून घ्यावी.

नंतर मसाला शिजल्यावर त्यामध्ये तयार केलेले वाटण घालावे व चांगले शिजवून घ्यावे. उकडलेल्या अंड्याचा मधून चिरा पाडून ती अंडी आपल्या ग्रेव्हीमध्ये घाला, मग त्यामध्ये मिठ घालुन ते पाच ते दहा मिनिटे चांगले शिजवून घ्यावे. अशाप्रकारे अंडा लपेटा तयार झाला आहे. हे आपण चपाती, भाकरी किंवा भातासोबत खाऊ शकतो.