સૌ પ્રથમ ૨ કપ કાજુ ને મિક્સર જાર માં ઉમેરી પલ્સ બટન પર થોડી થોડી વાર થોભી ને કાજુ ને પાઉડર ફોમ માં પીસી લો. હવે આ કાજુ પાઉડર ને ચારણી થી ચારી લો.

હવે કેસર પિસ્તા કાજુ કતરી માટે ચાસણી બનાવીશું. એની માટે એક પેન માં ખાંડ ને પાણી એડ કરી ગરમ કરવા મૂકો. થોડું પાણી ગરમ થાય એટલે એમાં કેસર ના તાર, ઓરેન્જ ફૂડ કલર અને ઈલાયચી પાઉડર ઉમેરી ખાંડ ઓગળે ત્યાં સુધી ચાસણી બનાવવાની છે. (ચાસણી એક તાર ની નથી બનાવવાની પરંતુ બસ ચાસણી થોડી ચીકણી થાય એટલી જ બોયલ કરવાની છે)

હવે આ ચાસણી માં કાજુ નો એક ભાગ ઉમેરી બરાબર મિક્સ કરી લો. હવે આમાં ઘી ઉમેરી ગેસ ની ધીમી આંચ પર સતત ચમચાથી હલાવતાં રહી મિશ્રણ પેન છોડે ત્યાં સુધી કૂક કરી લો.

હવે આ મિશ્રણ ને હળવું ઠંડુ કરવા મૂકી દો. હવે થોડું હુંફાળુ ગરમ મિશ્રણ માં ઘી ઉમેરી પ્લાસ્ટિક ની સીટ પર બરાબર મસળી લો. ને વેલણ ની મદદ થી થોડી જાડાઈ રાખી ચોરસ વણી લો.

હવે આ તૈયાર કરેલ કેસર પિસ્તા કાજુ કતરી પર પિસ્તા ના ટુકડા ભભરાવી ઉપર ચાંદી ના વરખ થી ગાર્નિશ કરો. ને તેના ઈચ્છા મુજબ ના પીસ કટ કરી લો. તમે ઇચ્છો તો ઉપર કેસર ના તાર થી પણ ગાર્નિશ કરી સકાય.

હવે આપણે ચોકલેટ કાજુ કતરી બનાવીશું. એની માટે એક પેનમાં ખાંડ અને પાણી ઉમેરી ગરમ કરવા મૂકો. હવે ખાંડ ઓગળે ને ચાસણી રેડી થાય એટલે એમાં બીજા ભાગ નો કાજુ પાઉડર ઉમેરી બરાબર મિક્સ કરી લો.

હવે આ મિશ્રણ માં ઈલાયચી પાઉડર, ઘી ને વેનીલા એસેંસ ઉમેરી ગેસ ની ધીમી આંચ પર મિશ્રણ પેન છોડે ત્યાં સુધી ચમચા થી સતત હલાવતા રહી કૂક કરી લો.

હવે આ મિશ્રણ ને હળવું ઠંડુ કરી પ્લાસ્ટિક ની સીટ પર કાઢી તેમાં ઘી અને કોકો પાઉડર ઉમેરી કણક ને મસળી લો. હવે વેલણ ની મદદ થી મોટા રોટલા ની જેમ વણી ઉપર ચાંદી ના વરખ થી ગાર્નિશ કરી ઈચ્છા મુજબ ના પીસ કટ કરી લો.

હવે આપણી બંને કેસર પિસ્તા કાજુ કતરી અને ચોકલેટ કાજુ કતરી સર્વ કરવા રેડી છે. તેને સરવિંગ પ્લેટ માં ગોઠવી ઈચ્છા મુજબ પ્લેટિંગ કરી સર્વ કરો.