હવે બીજી એક પેન માં ઘી ગરમ કરી એમાં બદામ, કાજુ, સૂકી લીલી દ્રાક્ષ ને પિસ્તા ના ટુકડા ઉમેરી રોસ્ટ કરી લો. અને એને અલગ થી એક પ્લેટ માં કાઢી તેને સાઈડ પર રાખવું.

હવે આ જ ઘી મા સોજી ઉમેરી ગેસ ના ધીમા આંચ પર આછા ગુલાબી રંગ ની થાય ત્યાં સુધી શેકી લો. સોજી શેકાઈ જાય એટલે એમાં થોડુ થોડુ ગરમ દૂધ ઉમેરી હલાવતા રહો. જ્યાં સુધી સોજી ના કણ ફૂલી જાય ત્યાં સુધી કૂક કરી લો.

હવે સોજી ને દૂધ એકસરખું મિકસ થઇ જાય એટલે તેમાં ખાંડ ઉમેરી મિક્સ કરી લો અને સતત હલાવતા રહો જ્યાં સુધી ખાંડ નું પાણી બળે અને પેન ની સપાટી છોડે ને ઘી છૂટું પડે ત્યાં સુધી કૂક કરી લો. હવે આમાં ઈલાયચી પાઉડર અને રોસ્ટ કરેલા ડ્રાય ફ્રુટ ઉમેરી બરાબર મિકસ કરી લો.

હવે આપણો સોજી નો શીરો તૈયાર છે સર્વ કરવા માટે. આ સોજી ના શિરા ને એક બાઉલ મા કાઢી તેની પર રોસ્ટેડ ડ્રાય ફ્રુટ થી ગાર્નિશ કરો.