મગ ની દાળ ને ડ્રાય રોસ્ટ કરી લેવી. ઠંડી થવા દેવી. ઠંડી થઈ જાય પછી મિક્સર માં ક્રશ કરી લેવી. થોડું દરદરુ ક્રશ કરવું. શીરા માટે ની બધી સામગ્રી તૈયાર કરી લેવી.

એક કડાઈમાં ઘી ગરમ કરવા મૂકવું ગરમ થાય એટલે તેમાં સોજી અને ચણાનો લોટ નાખી ને ૧/૨ મીનીટ સુધી સેકવુ. ત્યારબાદ તેમાં ક્રશ કરેલી મગ ની દાળ નાખી દેવી અને ધીમા તાપે ગુલાબી થાય ત્યાં સુધી શેકી લો. તેમાં કાજુ બદામ અને કીસમીસ નાખી દેવી. કીસમીસ ફૂલી જશે.

દૂધ ગરમ કરવા મૂકી દેવું.

સેકાય જાય પછી તેમાં ગરમ દૂધ થોડું થોડું નાખતા જવું અને સતત હલાવતા રહેવું જેથી ગઠ્ઠા ન પડે. હવે તેમાં ઇલાયચી પાઉડર જાયફળ પાઉડર નાખી ને મિક્સ કરી લેવું.

હવે તેમાં ખાંડ નાખી દેવી અને મિક્સ કરી લેવું ‌. સતત હલાવતા રહેવું. એટલે શીરો કડાઈમાં ચોંટે નહીં. ઘી છુટું પડે ત્યાં સુધી સતત હલાવતા રહેવું. છેલ્લે તેમાં ૨ ચમચી ઘી નાખીને એકદમ સરસ રીતે મિક્સ કરી લેવું.

Serving બાઉલમાં કાઢી ઉપર ડ્રાય ફ્રુટ ની કતરણ નાખી ગાર્નિશ કરીને પહેલા ગણપતિ દાદા ને ધરાવી પછી ઘરના બધાએ પ્રસાદ લેવો.
શીરા ને જમવા ટાઈમે માઈક્રોવેવ મા ગરમ કરી લેવો.
તો તૈયાર છે
મગ નો શીરો
ગરમા ગરમ શીરો સર્વ કરવો.
આ શીરો ગરમ ગરમ ખાવાની મજા આવે છે.