કોબી બટાકા નું શાક બનાવવા માટે સૌ પ્રથમ કોબી, બટેટૂ અને ટામેટાં ને ધોઈ સમારી લેવા. બટેટું ઝીણું સમારવું. હવે એક કૂકરમાં 4 ચમચી જેટલું તેલ મૂકી ગરમ થાય એટલે વઘાર માં રાઈ, જીરું ચટકે એટલે તેમાં ચપટી હિંગ નાખી ટામેટું નાખી વઘાર કરો.

હવે તેમાં સમારેલા કોબી અને બટાકુ નાખી બરાબર હલાવી 2 મિનિટ સાતળી લો. હવે તેમાં બધા મસાલા હળદર, લાલ મરચું, ધાણાજીરું, મીઠું, ગરમ મસાલો નાખી 2 મિનિટ સાંતળો. હવે તેમાં અડધા કપ જેટલું પાણી નાખો પછી બરાબર હલાવી કુકર બંધ કરીને 4 વહીસલ વાગે ત્યાં સુધી થવા દો.

આ શાક કરતી વખતે પાણી વધારે ના પડી જાય એટલે ખાસ ધ્યાન રાખવુ કેમકે કોબી પણ પાણી મૂકે એટલે ખાસ ધ્યાન રાખી ને પાણી નાખવું નહિ તો શાક માં રસ વધારે થઈ જશે અને શાક નો ટેસ્ટ પણ સારો નહિ લાગે. તો તૈયાર છે આપણું કોબી બટાકા નું શાક તમે આ શાક ગરમ રોટી ફૂલકા અને દાળ ભાત સાથે ખાઈ શકો છો.