प्रथम कांदे एकदम बारीक चिरून घेणे. टोमॅटो ची पेस्ट करून घेणे. आले लसूण पेस्ट तयार करणे. पनीर चे आपल्या आवडीनुसार तुकडे करून घेणे.

आता गॅस वर कढई ठेवून त्यात बटर आणि तेल घालून घेणे. (आवडत असल्यास फक्त बटर ही भाजीसाठी घालू शकता) गरम झाले कि त्यात तमालपत्र, वेलची, दालचिनी तुकडा, चक्रफुल घालून 2 मिनिटे परतून घेणे. आता त्यात बारीक चिरलेला कांदा सोनेरी रंगावर 5 मिनिटे छान परतून घेणे. व त्यातच आले लसुण पेस्ट घालावी.

कांदा चांगला मध्यम आचेवर त्यात सोनेरी होऊ देणे. आता त्यात टोमॅटो पेस्ट घालून 5-7 मिनिटे चागले परतून घेणे.कांदा टोमॅटो छान परतला कि कढई मध्येच तो एका बाजूला घेऊन त्यातच बेसन पीठ घालावे व 1 चमचा तेल घालून ते बेसन पीठ रंग बदले पर्यंत भाजून घेणे.(बेसन पीठ मुळे भाजीला बाइंडिंग खूप छान येते.)

आता या मध्ये सगळे मसाले घालून घेणे. व ते सगळे मसाले छान परतून घेणे. व त्या मध्ये आवश्यकतेनुसार पाणी घालावे. खूप पाणी घालू नये. ही ग्रेव्ही थोडी घट्ट असते.

या मध्ये वरून हाताने बारीक करून कसुरी मेथी घालावी. याने टेस्ट खूप छान येते.5 मिनिटे ग्रेव्ही उकळून घेणे. आता त्या मध्ये पनीर चे तुकडे घालावेत. व झाकण ठेवून ते 5 मिनिटे शिजवून घेणे. (पनीर जास्त वेळ शिजवू नये. ते रबरासारखे होते) गॅस बंद करावा. व वरून कोथिंबीर घालावी.

अशाप्रकारे मस्त ढाबा स्टाईल झटपट होणारा पनीर मसाला तयार झाला. गरम गरम फुलके, पोळी किंवा राईस सोबत सर्व्ह करावे.