સૌપ્રથમ ચોખાને ધોઈને ૧ કલાક પલાળી દેવા. પછી એક કડાઈમાં બે ચમચી તેલ નાખી ગેસ ઉપર ધીમા તાપે મૂકી તેલ ગરમ થાય એટલે તેમાં જીરૂં, લવિંગ, તજ, કાળા મરી નાખીને વઘાર કરવો. પછી તેમાં લીલા મરચાના ટુકડા નાખવા.

એક મિનિટ સાંતળી તેમાં બટાકા નાખીને ૨ મિનિટ સાંતળવું.

પછી તેમાં ગાજર અને ફણસી ઉમેરવું. અને 1/2ચમચી મીઠું નાખી મિક્સ કરી ઢાકણ ઢાંકી ત્રણ-ચાર મિનિટ સુધી સિજાવા દેવું.

પછી તેમાં બે ગ્લાસ પાણી ઉમેરી લીલા વટાણા નાખવા. અને ચોખા માંથી પાણી નિતારી ચોખા પણ ઉમેરવા.

અને સ્વાદ મુજબ મીઠું નાખી બરાબર મિક્સ કરી ઢાંકણ ઢાંકી ધીમા તાપે ૧૦ થી ૧૨ મિનિટ ચડવા દેવું.

ચડી જાય એટલે ગેસ બંધ કરી ગરમાગરમ પુલાવ સર્વ કરો.