હળદર ને ધોઈ, છાલ ઉતારી મીડિયમ સાઇઝની છીણીથી છીણી લેવી.

એક પેનમાં ઘી ગરમ થાય એટલે તેમાં આખા મસાલા ઉમેરીને છીણેલી હળદર ઉમેરવી. જ્યાં સુધી હળદર એકદમ હલકી થઈ જાય અને તેનો રંગ બદલાઈ જાય ત્યાં સુધી પકાવવું. લગભગ પાંચથી સાત મિનિટ માં હળદર શેકાઈ જાય છે.

હવે તેમાં આદુ, મરચાં અને લસણ ની પેસ્ટ ઉમેરીને એક મિનીટ સુધી પકાવવું. લીલી ડુંગળી અને લીલું લસણ ઉમેરીને બરાબર હલાવી લેવું ત્યારબાદ તેને બે મિનીટ સુધી પકાવવું.

હવે તેમાં બાફેલા વટાણા અને ટામેટા ની સાથે લાલ મરચું, મીઠું અને ધાણાજીરું ઉમેરી બરાબર હલાવી લેવું અને પાંચ મિનિટ સુધી મીડીયમ તાપે પકાવવું. દહીં માં 1/2 કપ પાણી ઉમેરી બરાબર હલાવી ને હળદરના શાકમાં ઉમેરવું. બરાબર હલાવીને મીડીયમ તાપે બેથી ત્રણ મિનીટ સુધી પકાવવું.

શાકમાં ધાણા ઉમેરી મિક્સ કરી લઈને ગેસ બંધ કરી દેવો.

હળદરના શાકને બાજરીના રોટલા ઘી અને ગોળ સાથે પીરસવું.