એક કડાઈ માં તેલ ગરમ થાય એટલે તેમાં તમાલપત્ર, તજ, લવિંગ અને લાલ સુકા મરચા ઉમેરવા. હવે તેમાં જીરુ ઉમેરવું. જીરુ બ્રાઉન કલર નું થાય એટલે તેમાં બારીક સમારેલા કાંદા ઉમેરી ને કાંદા હલકા ગુલાબી રંગના થાય ત્યાં સુધી સાંતળવા. હવે તેમાં આદુ અને લસણની પેસ્ટ ઉમેરીને એક મિનીટ સુધી મીડીયમ તાપે પકાવવું.

હવે તેમાં બધા સુકા મસાલા ઉમેરીને બરાબર હલાવી લેવું. હવે તેમાં ટામેટા ઉમેરીને ટામેટુ બરાબર ચડી જાય ત્યાં સુધી પકાવવું. હવે તેમાં બાફેલી દાળ ઉમેરીને બરાબર હલાવી લેવું.

દાળ મીડીયમ જાડાઈ ની રહે એ રીતે પાણી ઉમેરવું. તમે તમારી પસંદગી પ્રમાણે વધારે કે ઓછું પાણી ઉમેરી શકો. બધી વસ્તુને બરાબર હલાવી લઇને 10 મિનિટ માટે મિડિયમ તાપ પર દાળને પકાવવી. વચ્ચે વચ્ચે હલાવતા રહેવું. હવે તેમાં લીલા ધાણા ઉમેરીને ગેસ બંધ કરી દેવો.

તડકા માટે તેલ ગરમ થાય એટલે તેમાં જીરું ઉમેરવું. હવે તેમાં લસણ, લીલું મરચું અને સૂકું મરચું ઉમેરવું. 20 સેકન્ડ માટે ગરમ થવા દઈને તેમાં લાલ મરચુ ઉમેરીને ગેસ બંધ કરી દેવો. આ તડકાને તૈયાર થયેલી દાળ પર ઉમેરવો.

પંચમેલ દાળ ને રોટલી અથવા ભાત સાથે પીરસી શકાય. આ દાળ દાલબાટી અને ચુરમા સાથે ખૂબ જ સ્વાદિષ્ટ લાગે છે.