એક પેનમાં તેલ ગરમ થાય એટલે તેમાં તમાલપત્ર, સૂકું લાલ મરચું, તજ અને લવિંગ ઉમેરવા હવે તેમાં જીરું ઉમેરીને જીરુ ને બ્રાઉન રંગનું થવા દેવું. હવે તેમાં હિંગ અને કાંદા ઉમેરીને કાંદા હલકા બ્રાઉન રંગના થાય ત્યાં સુધી સાંતળવા. હવે તેમાં લીલા મસાલાની પેસ્ટ ઉમેરીને બધું બરાબર હલાવી લેવું. મીડીયમ તાપ પર ત્રણ થી ચાર મિનિટ માટે પકાવવું. હવે તેમાં હળદર, ધાણાજીરું, ગરમ મસાલો અને મીઠું ઉમેરીને બરાબર હલાવી લેવું. એક મિનિટ માટે પકાવવું.

હવે તેમાં લીલા ચણા અને પોણો કપ પાણી ઉમેરીને બરાબર હલાવી લેવું. પાંચ થી સાત મિનિટ માટે મીડીયમ તાપ પર પકાવી એમાં લીંબુનો રસ ઉમેરીને ગેસ બંધ કરી દેવો.

લીલા ચણાના શાકને લીલા ધાણા, લીલું લસણ અને ફ્રેશ ક્રીમ થી ગાર્નીશ કરીને ગરમાગરમ રોટલી અને ભાત સાથે પીરસવું.