મરચાં ને સારી રીતે ધોઈ ને કોરા કરી લો. ત્યાર બાદ તેના ડીંટિયા કાઢી વચ્ચે થી કાપી ને બી કાઢી લો. મેં પછી તેના પણ ટુકડા કર્યા છે. સામાન્ય રીતે,મરચા ને ડીંટિયા કાઢ્યા વિના વચ્ચે ચીરી મૂકી ને બીજ કાઢી લેવાય છે અને પછી તેમાં તૈયાર કરેલો મસાલો ભરાય છે.

હવે તે મરચાં માં મીઠું અને1/2 ચમચી હળદર નાખી સારી રીતે ભેળવી ને ઢાંકી ને એક કલાક માટે રાખી દો. એક કલાક પછી મરચાં માં નિતરેલું પાણી કાઢી નાંખો અને નિતરવા મૂકી દો.

તેલ ને ગરમ કરી લો અને પછી થોડું ઠંડુ થવા દો. એક વાસણ માં કુરિયા, મીઠું, હળદર અને હિંગ નાખો અને ભેળવો અને પછી થોડું ગરમ એવું તેલ નાખી ને ભેળવો.

હવે તેમાં મરચાં નાખી સારી રીતે ભેળવી લો.

ત્યાર બાદ લીંબુ નાખી ભેળવી લો.

તૈયાર છે આપણા સ્વાદસભર અને ઇન્સ્ટન્ટ રાયતા મરચાં. ફ્રીઝ માં એક સપ્તાહ સુધી સાચવી શકાય છે.