ચોખા અને બધી દાળ ને એક વાસણમાં ભેગા કરી ચોખ્ખા પાણીથી ધોઈને ચાર પાંચ કલાક માટે પલાળી રાખવાના છે.

ત્યારબાદ તેને મિક્સર ની જારમાં લઈ થોડું પાણી ઉમેરી પીસી લેવાના છે. લાલ મરચું પાઉડર, ધાણાજીરું, હળદર, ગરમ મસાલો અને મીઠું સ્વાદ અનુસાર ઉમેરી બરાબર રીતે મિક્સ કરી હાંડવા નું બેટર તૈયાર કરવાનું છે.

હવે આ બેટરમાં ખમણેલી દુધી, વટાણા, સમારેલા ટામેટાં, બટાકા, ડુંગળી અને લીલા મરચા ઉમેરવાના છે. બધુ બરાબર રીતે મિક્સ કરી લેવાનું છે. જેથી આપણું મિક્સ વેજ હાંડવો બનાવવા માટેનું બેટર તૈયાર થઈ જશે.

એક કડાઈમાં થોડું તેલ મૂકી તેમાં રાઈ અને જીરૂનો વઘાર કરીને આ બેટરને કડાઈમાં પાથરી દેવાનું છે. હવે કડાઈને ઢાકીને ધીમા તાપે હાંડવાને ચડવા દેવાનો છે એક સાઇડ ચળી જાય એટલે તેને ઉલટાવી ને બીજી સાઇડ પણ હાંડવો કુક કરી લેવાનો છે.

હાંડવા ના ટુકડા કરી તેને આ રીતે ગરમા-ગરમ સર્વ કરી શકાય.