સૌપ્રથમ એક વાસણમાં રવો અને ચણાનો લોટ લઈ તેમાં દહીં અથવા ખાટો છાશ ઉમેરી જરૂર મુજબ પાણી નાખી બરાબર મિક્સ કરી લેવું પછી તેમાં અડદની અને ચણાની દાળ ઉમેરી બરાબર મિક્સ કરી 1/2 કલાક ઢાંકી રાખો.

હવે મિક્સર જારમા આદુ મરચાં લસણ અચકચરા પીસી લેવા અને બેટરમાં એડ કરી બરાબર મિક્સ કરી દેવુ.

બધા શાકભાજી તૈયાર કરી બેટરમાં એડ કરી બરાબર મિક્સ કરવું.

હવે મીઠું મરચું ધાણાજીરું પાઉડર હળદર મિક્સ કરી એનો ફ્રુટ સોલ્ટ અને તેલ એડ કરી ઝડપથી હલાવવું. વઘાર માટેની સામગ્રી તૈયાર રાખવી.

હવે એક પેનમાં તેલ મૂકી ગરમ થાય એટલે રાઈ, કરી પત્તા અને સફેદ તલનો વઘાર કરી બેથી ત્રણ ચમચા બેટર પાથરો નીચેનું પડ બ્રાઉન રંગનું થાય એટલે અલગ કાઢી ફરી પાછું તેલ નાખી રાઈ સફેદ તલ અને કરી પત્તા નો વઘાર કરી ઉથલાવી ને નાખો.બીજો ભાગ બ્રાઉન રંગનો થાય ત્યાં સુધી શેકો.