સૌ પહેલા ગેસ ચાલુ કરી તાવડી મુકો.લોટ માં મીઠું નાખી 25 થી 30 વાર ફોટામાં છે એ રીતે ટીપી લો.25 થી 30 વાર ટીપવાથી રોટલો ખાવામાં બહુ જ મીઠો લાગશે.

લોટ ટીપી લઈ ને એક મોટો લુવો બનાવી ને બંને હાથ વડે ટીપતા જાવ એટલે રોટલો મોટો બનીને તૈયાર થઈ જશે.

હવે રોટલો તાવડી પર નાખી બંને બાજુ શેકી લો. રોટલો અંદરથી નરમ અને ઉપરથી કડક બનશે.અને રોટલો ફુલાય જશે બંને રોટલો આ રીતે બનાવી લો. અને થીજેલું ઘી ઉપર લગાડો. તૈયાર છે આપણો બાજરી નો રોટલો.

હવે શાક માટે મગફળી ના દાણા ને અધકચરા વાટી લો.અને ફોતરાં કાઢીને એક બાઉલમાં લઈ આદુ, લસણની પેસ્ટ, હિંગ, મરચું, હળદર, ધાણાજીરું, મીઠું, ગરમમસાલો, ખાંડ, લીંબુ, નાખી મસાલો તૈયાર કરી રીંગણાં, બટાકા, અને ટામેટા માં માં ઉભા કાપા પાડી મસાલો ભરી લો.

હવે ગેસ ચાલુ કરી કૂકરમાં તેલ મૂકી બધા ભરેલા શાક નાખી એક વાટકી જેટલું પાણી નાખી 4 થી 5 સિટી વગાડી લો અને 10 મિનિટ પછી કૂકર ખોલીને જુઓ આપણું શાક તૈયાર છે.

બાજરી ના રોટલા સાથે ગરમા - ગરમ ભરેલા રીંગણાં - બટાકા, ટામેટા નું શાક સર્વ કરો.મે અહીં ઘી - ગોળ, લસણીયા ગાજર, છાશ સાથે જમવાની થાળી પીરસો..