રાજસ્થાની પાટોડ (Rajasthani Patod Recipe In Gujarati)

સૌપ્રથમ રાજસ્થાની પાટોડ બનાવવા માટેની બધી સામગ્રીને ભેગી કરો ત્યારબાદ એક તપેલીમાં ચણાનો લોટ લઇ અને તેમાં ૧/૨ કપ પાણી નાખી અને બરાબર રીતે હલાવો.

ત્યારબાદ બીજી એક તપેલીમાં દહીં લો. તેમાં ૧ કપ પાણી નાખી અને મીઠું નાખી અને બરાબર રીતે હલાવો ત્યારબાદ ગેસ ઉપર કડાઈમાં ૨ ચમચી તેલ મૂકો.

ત્યારબાદ તેમાં હળદર નાખી અને તૈયાર કરેલ દહીંની પેસ્ટ નાખીને હલાવો. ત્યારબાદ તેમાં આદુ-મરચા-લસણની પેસ્ટ અને મરચાની ભૂકી નાખી અને બરાબર રીતે હલાવો. તે બરાબર ઉકળી જાય ત્યારબાદ તેમાં ચણાના લોટની તૈયાર કરેલી પેસ્ટ નાખો અને બરાબર રીતે હલાવો.

ત્યારબાદ તેની ઉપર ૧ ચમચી તેલ નાખી અને બરાબર રીતે હલાવો.ત્યારબાદ એક ડિશમાં ૧/૨ ચમચી તેલ ચોપડી અને તૈયાર કરેલા પેસ્ટને તેમાં ઢાળી દો અને ૧૦ મિનિટ ઠંડુ થવા દો. ઠંડુ થયા બાદ તેના બરાબર ચોસલા પાડો.

ત્યારબાદ એક કડાઈમાં વઘાર કરવા માટે ૨ ચમચી તેલ લો. તેલ બરાબર થઈ જાય ત્યારબાદ તેમાં રાઇ- જીરૂ નાખો અને તૈયાર કરેલ ચોસલા તેમાં નાખો.

ત્યારબાદ તેને બરાબર રીતે હલાવી લો અને એક બાઉલમાં કાઢી લો. ત્યાર બાદ તૈયાર થયેલ રાજસ્થાની પાટોડ ને દહીંની ચટણી અને સોસ સાથે સર્વ કરો...