સૌપ્રથમ સરગવાની સિંગને ધોઈને કાપી લો અને તેના ટુકડા કરી લો.પછી એક વાસણમાં બે ચમચી તેલ મૂકી તેમાં રાઈ અને જીરું,કાંદો નાંખો.

કાંદો થોડો ગુલાબી થઇ જાય પછી તેમાં કાપેલી સરગવાની શીંગ ના ટુકડા નાખો અને બધું હલાવી નાખો.પછી તેમાં હળદર નાખો અને થોડું મીઠું નાખવું ફરીથી હલાવો.

સરગવાની સિંગને ઢાંકણું ઢાંકી દસ મિનિટ ધીમા તાપે પાકવા દો. હવે એક વાસણમાં દહીં લો તેમાં ચણાનો લોટ નાખો હળદર અને મીઠું નાખો થોડું ધાણાજીરું નાખો. આદુ મરચાની પેસ્ટ નાખો અને બધું બરાબર થી હલાવી દો. પછી તેમાં જરૂર મુજબ પાણી ઉમેરો ફરીથી ખુબ હલાવો.

હવે કઢી બનાવવા માટેની આપણી છાશ તૈયાર છે. આ છાશને આપણે સરગવા ના મિશ્રણમાં નાખીશું.

હવે ૧૦ મિનિટ થઈ ગઈ છે આપણી સરગવાની શીંગ પાકી ગઈ છે એટલે છાશને તેમાં ઉમેરી શું અને થોડીવાર ઢાંકણું ઢાંકી તેને પકાવવું ઊભરો આવે ત્યાં સુધી પકાવો.

હવે કઢીમાં ઊભરો આવી ગયો છે એટલે આપણી કઢી ખાવા માટે તૈયાર છે. તેને ધાણાથી સજાવો અને ખીચડી, ભાત રોટલી અથવા રોટલા સાથે ગરમાગરમ પીરસશો તો ખાવામાં મજા આવશે.