એક પેનમાં દૂધ ઉમેરીને ગરમ કરવા માટે મૂકવું. એક ઉભરો આવે એટલે તાપ મીડીયમ કરીને સતત હલાવતા રહીને દૂધ જ્યાં સુધી લગભગ 1/2 થઈ જાય ત્યાં સુધી પકાવવું. હવે તેમાં કન્ડેન્સ્ડ મિલ્ક અને ફ્રેશ ક્રીમ ઉમેરીને હલાવી લેવું. કોર્ન ફ્લૉર અને મિલ્ક પાઉડરને પાણીમાં મિક્સ કરીને એ મિશ્રણને દૂધમાં ઉમેરીને બધું બરાબર હલાવી લેવું. હવે પાંચ થી સાત મિનિટ માટે મિડિયમ તાપ પર પકાવવું. હવે કુલ્ફીના મિશ્રણને રૂમ ટેમ્પરેચર પર ઠંડુ થવા દેવું.

કુલ્ફીના મિશ્રણમાં કેરીનો પલ્પ ઉમેરીને બરાબર હલાવી લેવું જેથી કરીને કેરીનો પલ્પ અને કુલ્ફી મિક્સ એકરસ થઈ જાય.

હવે કુલ્ફી ના મિક્સ ને કુલ્ફીના મોલ્ડમાં ઉમેરવું. બાકી બચેલા મિશ્રણને બીજા મોલ્ડમાં અથવા તો કોઈ પણ પ્રકારના એરટાઈટ કન્ટેનરમાં કે ટીન માં ઉમેરીને ફ્રીઝરમાં છ થી આઠ કલાક માટે અથવા તો જ્યાં સુધી કુલ્ફી સેટ થઈ જાય ત્યાં સુધી રાખવું.