ટામેટાં ડુંગળી ની પ્યુરી બનાવવા માટે:
એક કડાઇમાં ઘી-તેલ ગરમ મૂકી તેમાં જીરું, તજ, લવિંગ, ઇલાયચી તમાલપત્ર, મરી ઉમેરવાનાં છે. ત્યારબાદ તેમાં ડુંગળીના મોટા ટુકડા અને લસણ ઉમેરવાના છે. બે મિનિટ માટે કુક થવા દેવાનું છે.

હવે તેમાં આદુ-મરચાની પેસ્ટ, કાજુના ટુકડા અને ટમેટાના મોટા ટુકડા ઉમેરવાના છે 1/4 કપ પાણી, હળદર અને મીઠું સ્વાદ અનુસાર ઉમેરી ટામેટાં નરમ થઈ જાય ત્યાં સુધી તેને કુક થવા દેવાનું છે. ત્યારબાદ ગેસ ઑફ કરી તેને સાવ ઠંડું થઇ જવા દેવાનું છે.

મિક્સર ની જારમાં આ તૈયાર કરેલા મિશ્રણને ઉમેરી તેની પ્યુરી બનાવવાની છે આ પ્યુરીને સાઈડ પર રાખી દેવાની છે.

વેજિટેબલ્સને સેલો ફ્રાય કરવા માટે:
એક કડાઈમાં તેલ ગરમ મૂકી તેમાં સમારેલા બટાકા, સમારેલી ફણસી અને સમારેલા ગાજર ઉમેરવાના છે.

તેના પર સમારેલું બ્રોકોલી અને સમારેલુ ફ્લાવર ઉમેરવાનું છે.

તેના પર સમારેલાં કેપ્સિકમ અને લીલા વટાણા ઉમેરી બધું બરાબર રીતે મિક્સ કરી સેલો ફ્રાય કરવાનું છે. સેલો ફ્રાય કરેલુ આ મિક્સ વેજીટેબલ સાઈડ પર રાખી દેવાનું છે.

ફાઇનલ કરી બનાવવા માટે:
એક કડાઈમાં ઘી તેલ મિક્સ કરી તેમાં સૂકા લાલ મરચા, હળદર, ધાણાજીરુ અને લાલ મરચું પાઉડર ઉમેરવાનું છે.

ત્યારબાદ તેમાં તૈયાર કરેલી ટામેટાં ડુંગળી ની પ્યુરી ઉમેરી બરાબર રીતે મિક્સ કરી લેવાનું છે. પછી તેમાં પનીરના ટુકડા ઉમેરી તેને પણ બરાબર રીતે મિક્સ કરી લેવાના છે.

હવે તેમાં સેલો ફ્રાય કરેલુ વેજિટેબલ્સ ઉમેરવાનું છે તેમાં સુકા ટોપરાનું ખમણ, કસૂરી મેથી, ગરમ મસાલો અને લીંબુનો રસ ઉમેરવાનો છે.