એક કડાઇમાં ઘી તેલ ગરમ મૂકી તેમાં જીરું, તજ, લવિંગ, ઇલાયચી તમાલપત્ર, મરી ઉમેરવાનાં છે. ત્યારબાદ તેમાં ડુંગળીના મોટા ટુકડા અને લસણ ઉમેરવાના છે. બે મિનિટ માટે કુક થવા દેવાનું છે.

હવે તેમાં આદુ-મરચાની પેસ્ટ, કાજુના ટુકડા અને ટમેટાના મોટા ટુકડા ઉમેરવાના છે 1/4 કપ પાણી, હળદર અને મીઠું સ્વાદ અનુસાર ઉમેરી ટામેટાં નરમ થઈ જાય ત્યાં સુધી તેને કુક થવા દેવાનું છે. ત્યારબાદ ગેસ ઑફ કરી તેને સાવ ઠંડું થઇ જવા દેવાનું છે.

મિક્સર ની જારમાં આ તૈયાર કરેલા મિશ્રણને ઉમેરી તેની પ્યુરી બનાવવાની છે આ પ્યુરીને સાઈડ પર રાખી દેવાની છે.

એક કડાઈમાં ઘી ગરમ મૂકી તેમાં કાશ્મીરી લાલ મરચું, ધાણાજીરું અને તૈયાર કરેલી પ્યુરી ઉમેરવાની છે.

હવે તેમાં ચીઝના ટુકડા ઉમેરી બરાબર રીતે મિક્સ કરી બે મિનિટ માટે કુક થવા દેવાનું છે.

ત્યારબાદ તેમાં કસુરી મેથી અને ફ્રેશ ક્રીમ ઉમેરવાનું છે અને બરાબર રીતે મિક્સ કરી લેવાનું છે.