સૌ પ્રથમ એક નોનસ્ટિક પેન માં કોપરા ના છીણ સિવાયવના બધા આખા મસાલા લઈ ધીમા તાપે શેકી લેવા પછી તેમાં કોપરા નું છીણ ઉમેરી 1/2મિનિટ માટે ધીમા તાપે શેકવું પછી ગેસ બંધ કરી મસાલા ઠંડા પડે એટલે મીક્સર જાર માં બધા મસાલા લઈ ને ક્રશ કરી બારીક પાઉડર તૈયાર કરવો.

બધા શાકભાજી ધોઈ ને સમારી લેવા.એક તપેલી માં પાણી લઈ ગરમ કરવા મૂકવું ઉકળે એટલે તેમાં થોડું મીઠું ઉમેરી ને કેપ્સિકમ સિવાય ના શાકભાજી તેમાં ઉમેરી ૭-૮ મિનિટ થવા દેવા તે બફાઈ જાય પછી તેને ચારણી માં કાઢી લેવા અને સાઈડ માં રાખવા.

એક નોનસ્ટિક પેન માં ઘી અને તેલ લઈ ગરમ થાય એટલે તેમાં એલચો,વઘાર નું મરચું,તમાલપત્ર ઉમેરી ઝીણી સમારેલી ડુંગળી ઉમેરી સાંતળવી પછી તેમાં આદું લસણ ની પેસ્ટ ઉમેરી સાંતળવી.સમારેલા કેપ્સિકમ ઉમેરી સાંતળવા.

પછી તેમાં ઝીણા સમારેલા ટામેટાં ઉમેરી હલાવી બરાબર મીક્સ કરી સાંતળવા દેવા ટામેટાં ચઢી જાય એટલે તેમાં ઉપર તૈયાર કરેલો મસાલા પાઉડર અને સ્વાદાનુસાર મીઠું ઉમેરી થોડું પાણી ઉમેરી હલાવી લેવું.પછી તેમાં બાફેલા બધા શાક ઉમેરી હલાવી તેને ૧૦ મિનિટ થવા દેવું.જરૂર લાગે તો થોડું પાણી ઉમેરવું.

ગેસ બંધ કરી બાઉલમાં કાઢી ઉપર ફ્રેશ ક્રીમ અને સમારેલા લીલા ધાણા થી ગાર્નિશ કરવું.તો તૈયાર છે ઢાબા સ્ટાઇલ વેજ કોલ્હાપુરી.તે પરાઠા,નાન, અને રાઈસ સાથે પીરસવું.