સૌપ્રથમ દૂધીમાં ઢોકળા નો લોટ અને સોડા સિવાયની બધી સામગ્રી મિક્સ કરી લો. હવે તેમાંથી થોડું પાણી છૂટવા લાગશે. હવે તેમાં ઢોકળાનો લોટ ઉમેરો.

તેમાં પાણીની જરૂર પડે તો થોડું પાણી ઉમેરી પાંચથી દસ મિનિટ સુધી રહેવા દો.

હવે ઢોકળિયામાં પાણી ગરમ કરવા મૂકો. ઢોકળા મુકવાની થાળીમાં તેલ લગાવી તૈયાર કરેલા ખીરામાં ખાવાનો સોડા ઉમેરી બરાબર હલાવી ઢોકળાની થાળીમાં નાખી ઢોકળાના કુકરમાં ૧૦ થી ૧૫ મિનિટ સુધી થવા દો. આ રીતે બધા ઢોકળા તૈયાર કરી લો.

હવે એક વઘારીયા માં તેલ ગરમ કરવા મૂકો તેલ ગરમ થાય એટલે તેમાં રાઈ અને તલ નાખી તેને ઢોકળા માં નાખી હલાવી લો. તૈયાર છે દૂધીના ઢોકળા.