સૌપ્રથમ દાળ અને ચોખા પાણીથી ધોઈ ૫ કલાક પલાળી રાખો. પછી તેમાંથી પાણી કાઢીલો. દાળ ને ચોખા મિક્સર જારમાં લઈ,તેમાં લીલા મરચા,આદુ અને લસણ નાખી ખીરું તૈયાર કરો. પછી તેમાં મીઠું નાખી હલાવી સાત કલાક માટે આખો આવા દો.

પછી ખીરામાં એક કપ દૂધી છીણી ને નાખો. હવે એક બાઉલમાં સંચળ પાઉડર, લાલ મરચું પાઉડર, મરી પાઉડર લઈ બધુ ભેગુ કરીને મસાલો બનાવવો. સ્ટીમર ગેસ પર મૂકી થાળી માં તેલ લગાવી દો. હવે ખીરામાં ઇનો નાખી હલાવીને ખીરું થાળીમાં મૂકી,તેના ઉપર મસાલો નાખી,ઢાંકણ ઢાંકી દસ મિનિટ સ્ટીમ કરો. હવે ઢોકળા ઠંડા થઇ ગયા છે. તેને ચપ્પુની મદદથી કાપી લો.