સૌપ્રથમ ભીંડા ને ધોઈ કોરા કરી અને કટ કરી લો. બટાકા ને પણ છોલી અને કટ કરી લો. એક નોનસ્ટિક પેનમાં તેલ ગરમ કરવા મુકો. તેલ ગરમ થાય એટલે તેમાં અજમો,લસણ, મેથી અને હિંગનો વઘાર આપો. ત્યારબાદ તેમાં ભીંડા, બટાકા વઘારો. તેમાં મીઠું નાખી અને મિક્સ કરી લેવું. ગેસ મીડીયમ ફલેમ ઉપર ત્રણથી ચાર મિનિટ રાખ્યા બાદ ગેસ ધીમો કરી દેવો. અને પેન ને ખુલ્લું રાખવું. ઉપર ઢાંકવું નહીં. થોડી થોડી વારે શાક હલાવતા રહી અને ચેક કરવું.

૧૦થી ૧૨ મિનિટમાં કુક થઈ જશે. હવે ભીંડા માં ચિકાસ દેખાતી હશે તો તેમાં અડધા લીંબુનો રસ નાંખી અને મિક્સ કરો.શાક એકદમ છૂટું થઈ જશે. હવે તેમાં તમામ મસાલા એડ કરી દો. મિક્સ કરી લો. તૈયાર છે ભીંડા બટાકા નું શાક.