સૌપ્રથમ પ્લમ ને ધોઈને એની ચીરી કરી લેવી. ત્યારબાદ તેમાં બ્રાઉન શુગર, લેમન ઝેસ્ટ અને તજનો પાવડર ઉમેરીને વધુ બરાબર મિક્સ કરી દેવું. હવે તેને એક બટર લગાડેલી બેકિંગ ડીશ માં ગોઠવી દેવા.

એક વાસણમાં મેંદો, ઓટ્સ, કોપરાનું છીણ અને બ્રાઉન શુગર ભેગા કરી લેવા. હવે તેમાં પીગળેલું બટર ઉમેરીને બધું બરાબર હલાવી લેવું.

હવે મેંદા ના મિશ્રણ ને પ્લમ ઉપર એક સરખું ફેલાવી દેવું. તેના ઉપર બદામની કતરણ છાંટવી. હવે તેને પ્રિહિટ કરેલા ઓવનમાં 180 ડિગ્રી પર 30 મિનિટ સુધી અથવા તો ગોલ્ડન બ્રાઉન રંગનું થાય ત્યાં સુધી બેક કરવું. ત્યારબાદ તેને બહાર કાઢી 5 થી 10 મિનિટ માટે ઠંડુ થવા દેવું.

પ્લમ ક્રમ્બલ ને વ્હિપ્ડ ક્રીમ, કસ્ટર્ડ કે વેનીલા આઈસ્ક્રીમ સાથે સર્વ કરવું.