એક પેનમાં મેંદો, ઘી, દૂધ અને ખાંડ ઉમેરી મિક્સ કરી લેવા. ગેસ ચાલુ કરીને ધીમા તાપે બધી વસ્તુઓ ને હલાવતા રહેવું.

હૂંફાળા દૂધમાં કેસર ઉમેરીને હલાવી લેવું. થોડું જાડું થાય એટલે તેમાં પીળા રંગના બે ટીપા ઉમેરીને હલાવી લેવું. રંગ ના ઉમેરવો હોય તો પણ ચાલે. હવે જ્યાં સુધી મિશ્રણ પૅન ની સપાટી છોડે ત્યાં સુધી હલાવતા રહેવું. ચમચી ઘી ઉમેરીને હલાવી લેવું જેથી કરીને મિશ્રણમાં ચમક આવે. મિશ્રણ ઘટ્ટ થઇ ને પૅન ની વચ્ચે આવી જવું જોઈએ.

બેકિંગ પેપર પર ઘી લગાડી એની ઉપર તૈયાર થયેલું આઈસ હલવા નું મિશ્રણ ઉમેરી દેવું. વેલણ ઉપર ઘી લગાડીને વણી લેવું. જેટલું પાતળું વણી શકાય એટલું સારું. હવે તેના પર ઈલાયચી પાવડર, ઇલાયચીના દાણા, બદામ અને પીસ્તા ની કતરણ ભભરાવવી. ઘી લગાડેલું બીજું બેકિંગ પેપર ઉપર ઢાંકી ને ફરી પાછું જેટલું પાતળું વણી શકાય એટલું પાતળું વણી લેવું.

હલવાને છ થી આઠ કલાક માટે સુકાવા દેવો. ત્યારબાદ બટર પેપર ની સાથે જ તેના મોટા ચોરસ ટુકડા કરીને એર ટાઈટ કન્ટેનર માં રેફ્રિજરેટરમાં સ્ટોર કરવો.