સૌ પ્રથમ સાબુદાણા ને બે થી ત્રણ પાણીથી ધોઈ બીજા ચોખ્ખા પાણીમાં પલાળી ને 3 થી 4 કલાક માટે મૂકી રાખો. ત્યાર બાદ એક પેન માં પલળેલા સાબુદાણા ઉમેરી તેમાં 1 કપ પાણી ઉમેરી બરાબર મિક્સ કરી મીડિયમ ગેસ ની આંચ પર 3 થી 4 મિનિટ માટે સાબુદાણા ટ્રાંસ્પરન્ટ થાય ત્યાં સુધી ઉકળવા દો.

હવે એક પેન મા ઝીણા સમારેલા પ્લમ ના ટુકડા ઉમેરી તેમાં ખાંડ ઉમેરી બરાબર મિક્સ કરી ધીમી ગેસ ની આંચ પર ચમચાથી પ્રેસ કરતા જઈ પ્લમનું મિક્સર ઘટ્ટ થઈ જાય ત્યાં સુધી કૂક કરી લો. હવે આપણો પ્લમ્ ક્રશ તૈયાર છે. તેને પ્લેટ મા કાઢી ઠંડુ કરી લો.

હવે બીજી બાજુ સાબુદાણા માં કોકોનટ મિલ્ક ઉમેરી બરાબર મિક્સ કરી ધીમા ગેસ ની આંચ પર એક ઉભરો આવે ત્યાં સુધી કૂક કરી લો. હવે આમાં ઈલાયચી પાઉડર ઉમેરી મિક્સ કરી લો. ત્યાર બાદ ગેસ ની આંચ બંધ કરી આ મિશ્રણ ને ઠંડુ કરવા મૂકી દો.

હવે આ મિશ્રણ માં બનાવેલો પ્લમ ક્રશ ઉમેરી બરાબર મિક્સ કરી લો. હવે આ ખીર ને બદામ ની કતરણ અને આલુ બુખારા ના સ્લાઈસ થી ગાર્નિશ કરી ઠંડી ઠંડી ખીર સર્વ કરો.

હવે આપણી એકદમ પૌષ્ટિક અને યમ્મી એવી પ્લમ સાબુદાણા ની ખીર તૈયાર છે સર્વ કરવા માટે.