सिंगापूर नुडल्स करण्यासाठी लागणारे सर्व साहित्य-नूडल्स, भाज्या,मसाले,सॉसेस,तेल इ. एकत्र जमवून घ्यावे.

मोठ्या कढईत पाणी उकळण्यास ठेवावे. थोडे गरम झाले की मीठ व तेल घालावे.उकळी आली की एकेक नूडल्सचे ब्लॉक्स घालावेत.

साधारण 7-8मिनिटात नूडल्स शिजण्यास लागतात.जास्तही उकडू नयेत.उकडल्यावर मोठ्या तळणीच्या झाऱ्यातून पाणी वगळून नूडल्स चाळणीवर काढून घ्याव्यात.

सर्व नूडल्स चाळणीत काढल्यानंतर त्या नळाखाली गार पाण्यातून काढाव्या.व निथळून 10मिनिटे थंड होण्यास ठेवाव्यात.
तोपर्यंत भाज्या फ्राय करुन घेऊ या.कढई मोठ्या गँसवर तापत ठेवून त्यात तीळाचे तेल व बटर घालावे. थोडे बटर विरघळले की त्यात लवंग,बादलफूल,तमालपत्र, दालचिनी घालावे व तळावे.

आता त्यावर आल्याचे काप,मिरच्या घालावे.लसूणपेस्ट घालून परतावे.यावर प्रथम गाजर घालावे.दोन मिनिट परतावे.त्यावर कांद्याचे काप घालून परतावे.नंतर कोबी व सिमला मिरची घालावे.

पाच-सात मिनिटे परतल्यावर यावर आता अनुक्रमे हळद,रेड चिली सॉस,सोयासॉस,व्हिनेगर, मीठ,मीरेपूड व मध भाज्यांवर घालावे व सर्व हलवून घ्यावे.गँस मिडीयम असावा.
इथे कोणत्याही कृत्रिम रंगाऐवजी हळद वापरली आहे.व अजिनोमोटो ऐवजी साधे मीठ वापरले आहे.तरीही रंग व चव छान आली आहे.तसेच मधामुळे तिखटपणा बँलन्स झाला आहे.

आता या वर थंड झालेल्या नूडल्स घालून फोर्कच्या सहाय्याने नूडल्सना सगळीकडून भाज्या,मसाले,सॉसेस लागतील असे हलवून घ्यावे.
यासाठी👇व्हिडीओ पहा.

सिंगापूरी नूडल्स तयार आहेत.यावर चिरलेली कांदापात घालून प्लेटमध्ये गरमागरम सर्व्ह कराव्यात.