પાંઉને ટુકડા કરી મિક્ષરમાં કકરા ક્રમ્સ કરી લેવા.

ગેસની ધીમી આંચ પર સીંગદાણા, સુકા લાલ મરચા, જીરૂ અને આખા ધાણાને ૨ મીનીટ શેકી લેવા. ત્યારબાદ લસણની કળી, કોપરાનું છીણ તથા તલને ૧ મીનીટ સાંતળી લેવા.

હવે તેમાં મીઠો લીમડો ઉમેરવો, અને ગેસ બંધ કરી કોથમીર ઉમેરી હલાલી લેવું. હવે આ મિશ્રણમાં સીંગદાણાવાળું મિશ્રણ ઉમેરી હલાવી લેવું, અને તેને ઠંડું થવા દેવું. ત્યારબાદ તેને મિક્ષરમા અધકચરું ક્રશ કરી લેવું.
(નોંધ: પેસ્ટ નથી બનાવવાની)

હવે એક મોટા વાસણમાં પાઉં ક્રમ્સ લઈ તેમાં આ મિશ્રણ ઉમેરી હળવા હાથે મિક્ષ કરવું. પછી તેમાં બાફેલા બટાકાને હાથથી મસળી ઉમેરવા. (નોંધ: બટાકાની એકદમ લુદ્દી જેવી પેસ્ટ નથી બનાવવાની. નાના-નાના ટુકડા રહે તે રીતે મસળવા)અને બધુ સરસ રીતે મિક્ષ કરી લેવું.

હવે તેમાં ચણાનો લોટ, સ્વાદ મુજબ મીઠું, ગરમ મસાલો, આદુ-મરચાની પેસ્ટ તથા કોથમીર ઉમેરી હલકા હાથે સરસ ભેગું કરી લેવું.

હવે ગેસ પર મીડીયમ આંચ પર તાવડીમાં તેલ ગરમ કરવા મુકવું. હાથમાં એકવાર ૨ ટીપા તેલ લઈ પછી મિશ્રણમાંથી તમારી પસંદગી મુજબની સાઈઝના બોલ બનાવી લેવા.

તેલ ગરમ થાય એટલે ગેસની મીડીયમ આંચ પર જ બધા બોલ ગોલ્ડન બ્રાઉન થાય એ રીતે તળી લેવા.

આપણા એકદમ યમ્મી વડાપાંઉ બોલ તૈયાર છે. તેને જુદા જુદા ડીપ્સ, ગ્રીન ચટણી, કોરી લસણની ચટણી, લીલા તળેલા મરચા સાથે સર્વ કરવા.