સૌપ્રથમ ચણાની દાળ ને ૫-૬ કલાક સુધી પાણીમાં પલાળી રાખો. ત્યારબાદ જરૂર મુજબ પાણી ઉમેરીને કૂકરમાં દાણો છૂટો રહે તે રીતે બાફી લો. ત્યારબાદ તેને કાણાં વાળા બાઉલમાં કાઢી પાણી નિતારી લો. (૩-૪ ચમચી બાફેલી દાળ ચટણી માટે અલગ કાઢી લો). હવે તેમાં મીઠું, શેકેલા જીરું નો પાઉડર, આદુ મરચાં ની પેસ્ટ, આમચૂર પાઉડર, દળેલી ખાંડ, સમારેલો ફુદીનો અને સમારેલી કોથમીર ઉમેરીને મિક્સ કરો. પૂરણ તૈયાર છે.(પિકચર્સ રેસિપી ના અંતમાં છે).

ચટણી માટેની બધી સામગ્રી ભેગી કરી મિક્સરમાં થોડા પાણી સાથે પીસી લો. ચણાની દાળ અને ફૂદીનાની ચટણી તૈયાર છે.

હવે કણક માટે મેંદા ના લોટ માં ઘઉં નો લોટ, મીઠું અને તેલ ઉમેરી પાણી થી નરમ કણક બાંધી લો. ઢાંકીને ૧૫-૨૦ મિનિટ સુધી રહેવા દો. ત્યારબાદ ફરીથી મસળીને તેમાં થી એક સરખા ગોળા વાળી લો. હવે બે ગોળા લઇ અટામણ માં રગદોળી વારાફરતી તેમાં થી એક સરખી નાની રોટલી વણી લો. હવે એક રોટલી લઇ તેની ઉપર ઘી લગાવી થોડું અટામણ ભભરાવો. હવે તેની ઉપર બીજી રોટલી મૂકી સહેજ દાબીને ફરીથી અટામણ માં રગદોળી મોટી પાતળી રોટલી વણી લો.

ગરમ તવા પર બન્ને બાજુ છાંટ ન પડે તે રીતે શેકી લો.શેકાઇ જાય એટલે બન્ને પડ ને અલગ કરી દો આ રીતે બધી રોટલીઓ તૈયાર કરી લો..

હવે બધી રોટલીઓ એક સાથે લઈ નીચે બતાવ્યા પ્રમાણે કાપી પટ્ટી તૈયાર કરો. સમોસા ની પટ્ટી તૈયાર છે

હવે એક પટ્ટી લઈ તેની એક મોટી કિનારી પર લુગદી લગાવી નીચે બતાવ્યા પ્રમાણે વાળી પૂરણ ભરી બધા સમોસા તૈયાર કરી લો.

ગરમ તેલમા મધ્યમ તાપે સોનેરી થાય ત્યાં સુધી તળી લો. સમોસા ને ચણાની દાળ-ફૂદીનાની ચટણી અને ખજૂર આમલીની ચટણી સાથે પરોસો.

આ પગલું ૧ ના પિક્ચર છે.