મગની દાળ ને ધોઈ ૨-૩ કલાક સુધી પાણીમાં પલાળી રાખો.

આખાં ધાણા જીરું અને વરિયાળી ને શેકી અધકચરા પીસી લો.

એક કઢાઈમાં તેલ ગરમ કરો. હવે તેમાં હિંગ,અધકચરા વાટેલા ધાણા, જીરું અને વરિયાળી ઉમેરીને થોડીવાર સાંતળો. ત્યારબાદ તેમાં લાલ મરચું પાઉડર, આમચૂર પાઉડર, ગરમ મસાલો, કાળા મરી પાવડર, મીઠું, કસૂરી મેથી ઉમેરો. હવે તેમાં બેસન ઉમેરી ૩-૪ મિનિટ સુધી સાંતળો.

હવે તેમાં પલાળેલી મગની દાળ ને (પાણી વગર) ઉમેરીને બરાબર મિક્સ કરો. સ્ટફિંગ તૈયાર છે. ઠંડુ થાય એટલે તેના એકસરખા ગોળા વાળી લો.

મેંદા માં મીઠું અને ઘી ઉમેરી પાણી થી કણક બાંધો. ઢાંકીને ૩૦ મિનિટ સુધી રહેવા દો.

લોટના એકસરખા ગોળા વાળી લો. ગોળા ને કટોરી જેવું બનાવી વચ્ચે સ્ટફિંગ નો ગોળો મૂકી બંધ કરી દો. હથેળી થી દબાવતા જઈ કચોરી તૈયાર કરો.

ચાટ બનાવવા માટે કચોરી માં ખજૂર આમલીની ચટણી, લીલી ચટણી, ઝીણી સેવ, સમારેલી ડુંગળી અને સમારેલી કોથમીર ઉમેરીને પરોસો.