એક કઢાઈમાં તેલ ગરમ કરો. તેમાં ઝીણી સમારેલી લીલી ડુંગળી અને વાટેલું લસણ ઉમેરીને સાંતળો. ત્યારબાદ તેમાં ટમેટું, ગાજર અને કેપ્સીકમ ઉમેરીને સાંતળો. ટમેટું નરમ થાય ત્યાં સુધી સાંતળો.

હવે તેમાં રેડ ચીલી સોસ, કાળા મરી પાવડર, ચીલી ફ્લેક્સ ઓરેગાનો અને ટોમેટો કેચઅપ ઉમેરીને મિક્સ કરો. હવે તેમાં બાફેલા અમેરીકન મકાઈના દાણા અને બાફેલા રાજમા (પાણી નિતારી લેવું) ઉમેરીને મિક્સ કરો. સ્વાદ પ્રમાણે મીઠું અને સમારેલી કોથમીર ઉમેરીને મિક્સ કરો. મિશ્રણ ઠંડુ થાય એટલે તેમાં છીણેલું ચીઝ ઉમેરીને મિક્સ કરો. પૂરણ તૈયાર છે.

કણક માટે મકાઈના લોટમાં મેંદો,મીઠું, અજમો અને તેલ ઉમેરી પાણી થી સહેજ નરમ કણક બાંધો. ઢાંકીને ૧૫-૨૦ મિનિટ સુધી રહેવા દો.

હવે ચોરસ રોટલી ઉપર સેઝવાન ચટણી લગાડો. તેના અડધા ભાગમાં પૂરણ પાથરી બીજા અડધા ભાગથી બંધ કરી દો. કિનારીઓ સરખી દબાવી દો અને કાંટા થી દબાવી દો. ગરમ તેલમાં બંને બાજુ સોનેરી થાય ત્યાં સુધી શેલો ફ્રાય કરી લો. તૈયાર છે ખૂબ જ સ્વાદિષ્ટ મેક્સિકન પોકેટસ. ટોમેટો કેચઅપ સાથે પરોસો.