સૌપ્રથમ એક બાઉલમાં ચણાનો લોટ ધાણાજીરૂ મીઠું હળદર હિંગ સીંગદાણાનો ભૂકો ખાંડ ગરમ મસાલો કસૂરી મેથી કાશ્મીરી મરચું આદુ-મરચા-લસણની પેસ્ટ કોપરાનું છીણ અને તેલ નાખી બરાબર મિક્સ કરો હવે મીડિયમ સાઇઝના રીંગણને ધોઈ તેના આગળના ભાગથી ઊભા અને આડા ચીરા પાડો રીંગણ આખા કપાઈ ના જાય તેનું ધ્યાન રાખો

હવે કાપેલા રીંગણ ના ચીરા પાડેલા ભાગમાં મસાલો ભરો હવે આ રીંગણને કૂકરમાં મૂકી કૂકરમાં ચાર-પાંચ ચમચી તેલ નાખો હવે બટાકાને ઉભા ઉભા સમારી બટાકાની ચીરીઓ રીંગણ માં નાખો

કુકર ને ગેસ પર મૂકી થોડીવાર સુધી ગરમ થવા દો બે-ત્રણ વખત અંદરના રીંગણ અને બટાકા ને નીચે ચોંટે નહીં તે રીતે ઉછાળો હવે તેમાં બનાવેલો મસાલો બે ચમચી નાખો બાકીનો થોડો મસાલો વાડકીમાં ભરીને સાચવી લો હવે કુકરમાં એક અડધો ગ્લાસ પાણી રેડી લો કૂકર બંધ કરી બે સીટી વગાડો કુકર ઠંડું પાડયા બાદ તેમાંથી રીંગણ અને બટાકા તથા થોડો મસાલો લઇ એક વાટકામાં મેશ કરો

હવે ઢોસાના ખીરામાં જરૂરિયાત મુજબ મીઠું અને પાણી નાખી મિક્સ કરી લો હવે એક તવા પર બરાબર તેલ લગાવી અને ગરમ કરવા મુકો તવો ગરમ થઈ જાય પછી તેની પર ઢોસા નુ ખીરુ પાથરી ચમચો ગોળ ફેરવી તવા પર ઢોસો ઉતારી લો થોડીવાર પછી તેની ઉપર સાચવેલો મસાલો ભભરાવો

હવે તેને પર થોડું તેલ રેડી બનાવેલું પુરણ બે ચમચી મૂકો હવે ઢોસા ને મનપસંદ રીતે વાળીને ઉતારી લો હવે તેને એક ડીશમાં દહીં ટોમેટો કેચપ અથવા બનાવેલા ભરેલા રીંગણ ના માવા સાથે સુંદર રીતે સર્વ કરો