સૌપ્રથમ કડાઈમાં તેલ મુકો.તેલ ગરમ થાય એટલે શીંગદાણા તળીને કાઢી લ્યો. પછી તેલમાં રાય નાખો,રાય ફૂટે એટલે જીરું અને ચપટી હિંગ નાંખી લીલા મરચાં,લીમડો,નાખી બટાકાના જીણા ટુકડા નાંખો, બટાકા ચડે ત્યાંસુધી પૌઆ પાણીથી ધોઈ નિતારીને ચારણીમાં કોરા થવા માટે મુકો અને બટાકા ચડી રહે એટલે પૌઆ નાંખી તેમાં મીઠું,હળદર,ખાંડ,નાંખી સારી રીતે મિક્ષ કરી લો.

મિક્ષ થઈ જાય એટલે ઉતારી કોથમીર મિક્ષ કરી લો અને બાઉલમાં કાઢી લો. અને તેના ઉપર દાડમ,રતલામી સેવ,સાદી સેવ,કોપરાનું છીણ, શીંગદાણાથી ગાર્નિશીંગ કરી ગરમાગરમ પીરસો. (ગાર્નિશીંગમાં કોથમીર ઉમેરી શકો)