સૌ પ્રથમ દાળ ને ચાર પાંચ વાર ધોઈ લો. ત્યારબાદ કૂકર મા દાળ બાફવા મૂકો તેમાં દાળ થી એક ટેરવા જેટલું પાણી ઉમેરો થોડું મીઠું અને થોડું તેલ નાખી ૪ સીટી આવે ત્યાં સુધી થવા દો. ૪ સીટી બાદ ગેસ બંધ કરી દેવો. કૂકર નું પ્રેસર એની જાતે નીકળવા દેવું.

હવે વઘાર માટે. સૌ પ્રથમ કડાઈ મા તેલ ગરમ કરવા મૂકવું પછી તેમાં રાઈ નાખવી રાઈ તતડે એટલે એમાં મેથી દાણા ઉમેરો.ત્યારબાદ તેમાં કઢી પત્તા ઉમેરી મિક્સ કરી લો હવે તેમાં લીલું મરચું ઉમેરી મિક્સ કરો હવે તેમાં લસણ અને આદું સમારેલું છે તે ઉમેરી દો. આ બધું બરાબર સોટે કરવું બસ લસણ અને આદું થોડું શેકાય જાય ત્યાં સુધી હવે તેમાં હિંગ ઉમેરી દેવી.

હવે તેમાં ડુંગળી ઉમેરીને શેકી લો જ્યાં સુધી ડુંગળી નો કલર થોડો બદલાય જાય. હવે તેમાં સમારેલા ટામેટાં ઉમેરો દેવા ટામેટા ઉમેર્યા તરત તેમાં થોડું મીઠું ઉમેરવું જેનાથી ટામેટાં ઝડપ થી ગડી જશે બધું બરાબર મિક્સ કરી લો જ્યાં સુધી તેમાંથી તેલ છૂટું પડી જાય. હવે તેમાં બધા સૂકા મસાલા ઉમેરી દો. હળદર, મરચું, ધાણા પાવડર, ગરમ મસાલો થોડી વાર સાતડો હવે તેમાં બાફેલી દાળ ઉમેરી દેવાની છે દાળ વધારે જાડી હોય તો તેમાં થોડું પાણી ઉમેરી શકાય. હવે દાળ ને ધીમાં તાપે ઉકળવા દો. ૫ મિનીટ ઉકાળ્યા પછી તેમાં ખડી સાકર ઉમેરો.