એક બાઉલમાં રવો અને ચોખાનો લોટ લઈ તેમાં દહીં મિક્સ કરી ખીરુ બનાવી લેવુ. 10 મિનીટ પછી તેમાં બધા શાક મિક્સ કરી લેવા. આદુ અને મરચાને ચોપ કરીને ઉમેરવા (ક્રશ ના કરવા) તીખાશ માટે આદુ અને મરીનો વધારે ઉપયોગ કરવો. મીઠું ઉમેરીને બરાબર મિક્સ કરી લેવુ. છેલ્લે ઇનો અને તેલ નાખી બરાબર મિક્સ કરવુ.

ખિરામાં વઘાર ઉમેરવો હોય તો તેમાં રાઈ, જીરુ,અડદની દાળ, ચણાની દાળ, હિંગ અને લીમડાના પાન ઉમેરી વઘાર કરવો. મેં અહીં વઘાર કર્યો નથી.

હવે અપમ નો તવો ગરમ કરી તેના બધા ખાનામાં થોડુ થોડુ તેલ ઉમેરી તેમાં રાઈ અને તલ નાખી એક એક ચમચી ખીરુ ઉમેરવું. ઉપરથી તલ ઉમેરવા. એક મિનિટ પછી સાઈડ બદલી બીજી બાજુ ચડવી લેવા. તૈયાર અપમને સૉસ અને ચટની સાથે સર્વ કરો.